O Concello de Ourense renovará a área de xogos infantís do parque José Cornide cun investimento de 46.835,47 euros para mellorar a seguridade e funcionalidade deste espazo público.
As obras comezarán o vindeiro 23 de marzo e teñen como obxectivo modernizar a zona de lecer infantil, incorporando novos equipamentos e materiais máis seguros.
O Concello de Ourense renovará o parque José Cornide con 46.800 euros
Entre as actuacións previstas inclúese a instalación dunha randeeira mixta con asento tipo niño, xogos de peirao e balancíns, así como a colocación dun novo pavimento continuo de caucho de seguridade. Ademais, incorporaranse elementos de delimitación e sinalización.
O concelleiro de Obras Públicas, Servizos Urbanos, Medio Ambiente e Urbanismo, Francisco Lorenzo, destacou que “esta intervención responde ao compromiso do goberno municipal coa mellora dos espazos públicos e, especialmente, daquelas zonas destinadas ao lecer infantil, fundamentais para a convivencia e o benestar das familias”. Engadiu tamén que “seguimos traballando para que Ourense dispoña de áreas infantís máis seguras, accesibles e adaptadas ás necesidades actuais”.
O prazo estimado de execución será de 30 días.
