O concello de Ribadavia acolle no Polideportivo Municipal a segunda xornada da Liga Galega de Kárate da temporada 22-23.
Este evento deportivo terá lugar este sábado, 11 de marzo, durante toda a xornada. Dende as 10h, Ribadavia recibirá a case 600 deportistas de toda Galicia.
Ribadavia acolle a Liga Galega de Kárate
As cifras deste evento que chega un ano máis a Ribadavia mostra a participación de 30 clubes e 579 deportistas inscritos nas distintas modalidades de Kumite e Kata.
Nenos e nenas de 3 a 18 anos formarán parte dunha cita deportiva que converterá Ribadavia na capital do Kárate Galego.
