Este sábado terá lugar a xornada grande do Tangaraño Cultural de Sobradelo cunha programación que inclúe numerosas propostas artísticas.
Tras pasar polos concellos de Vilar de Barrio, Xunqueira de Ambía, Baños de Molgas e Xinzo de Limia, o Tangaraño prepara a última parada na localidade de Sobradelo.
Xornada grande do Tangaraño Cultural de Sobradelo
Nesta última xornada atoparemos un programa que inclúe unha gran variedade de estilos musicais e que conta tamén cun recuncho gastronómico e unha cata de mel de Galicia.
Artistas como Carmen Penin e Anxo Guerra comparten cartel con grupos amplamente coñecidos na escena musical de Ourense. A música de Terra Morena, Perrito Piloto, A Voz das Mouras ou Os Tres Pés contribúen a crear unha atractiva proposta cultural que rematará cunha Jam Session.
Programa do Tangaraño Cultural de Sobradelo.
- 12h – Cata: Mel de Galicia
- 13h – Bernardo Marques
- 14h – Xantar
- 16h – Kalimocho e Mino
- 17:15h – Carmen Penin (performance) e Andrés Fernández (concerto)
- 18:30h – Spooky Velvet e A Voz das Mouras
- 19:30h – Terra Morena
- 20:30h – Anxo Guerra e Perrito Piloto
- 22h – Os Tres Pés
- 00h – Jam Sesion
