A Xunta de Galicia destinou preto de 140.000 euros á empresa Resortes Galicia S.L., situada no polígono de San Cibrao das Viñas, para a adquisición dunha nova máquina destinada á fabricación de resortes de tracción, torsión e conformado de arame.
O delegado territorial da Xunta en Ourense, Manuel Pardo, visitou as instalacións da compañía acompañado pola alcaldesa de San Cibrao das Viñas, Marta Novoa.
A Xunta apoia con 140.000 euros a modernización de Resortes Galicia
A axuda forma parte da última convocatoria para actividades non agrícolas da Consellería do Medio Rural, que destinou máis de 300.000 euros na provincia de Ourense.
Segundo explicou Manuel Pardo, estas achegas buscan impulsar a modernización das empresas rurais, favorecer a creación e consolidación de emprego e contribuír á fixación de poboación.
A nova tecnoloxía permitirá mellorar a capacidade produtiva da firma e reforzar a súa presenza en mercados internacionais como Alemaña, Francia e Portugal.
