O delegado territorial da Xunta en Ourense, Manuel Pardo, visitou esta mañá o IES Universidade Laboral acompañado do presidente de Aspamadis, Manuel Marín, para supervisar os labores de rozas, limpeza e xestión da biomasa que a entidade desenvolve no centro.
Os traballos inclúen a poda de arbustos e sebes, sega, escarda, eliminación de malas herbas e mantemento das zonas verdes.
Aspamadis realiza traballos de mantemento no IES Universidade Laboral
Estas tarefas son realizadas por dous traballadores de Aspamadis, con apoio dun terceiro empregado, nunha xornada semanal de cinco horas.
Durante a visita, Manuel Pardo destacou o papel dos centros especiais de emprego na inserción laboral das persoas con discapacidade intelectual. Tamén puxo en valor o labor que realiza Aspamadis, que tamén presta servizos noutras instalacións da Xunta na provincia.
O delegado territorial reiterou o compromiso do Goberno galego coa economía social e co emprego inclusivo, lembrando o apoio autonómico destinado aos centros especiais de emprego e empresas de inserción.
