Un concerto de música de acordeón é unha das actividades para rematar a programación de Nadal no concello de Celanova.
O alumnado de acordeón do Conservatorio de Música de Ourense actuará esta tarde na Fundación Curros Enríquez de Celanova.
Música de acordeón para rematar o Nadal
O concerto está organizado polo Departamento de Música Tradicional do CMUS e contará coa presenza de varios alumnos desta especialidade. Entre o programa a interpretar atópanse obras de J.S.Bach, A.Piazzolla e unhas tradicionais panxoliñas.
Este evento titulado «Foles de Nadal» está previsto para as 19h na sede da Fundación Curros Enríquez de Celanova.