A agrupación Queixumes dos Pinos recibe 20.000 euros da Deputación de Ourense que foron aprobados na xunta de Goberno Local que tivo lugar esta mañá.
As xuntas de goberno da institución provincial teñen como unha das súas principais actividades a concesión de subvencións nominativas.
Queixumes dos Pinos recibe 20.000 euros da Deputación de Ourense
Estas axudas, concedidas de forma directa, teñen como finalidade financiar actividades de índole deportivo, cultural, social ou educativo entre outros fins. A última xunta de goberno aprobou un total de 674.518 euros en achegas económicas das que só 346.245 euros corresponden á convocatoria de axudas para clubs deportivos.
O resto das achegas son outorgadas de maneira directa e supoñen unha importante cantidade económica. Entre os receptores destas últimas axudas figuran a agrupación Queixumes dos Pinos con 20.000 euros para gastos de funcionamento da entidade. Tamén se aprobou unha achega de 10.000 euros para a Asociación Cultural Xingros, entidade á que se lle concederan 5.000 euros máis na xunta de goberno da semana pasada.
Listado de axudas económicas aprobadas o 12 de setembro
| Entidade | Cantidade | Finalidade |
|---|---|---|
| Concello de Calvos de Randín | 9.000 euros | Centro de interpretación Postas do Xurés |
| Castrelo de Miño | 8.000 euros | Festa do Maior |
| Cenlle | 17.500 euros | Senda Fluvial |
| Concello de Punxín | 31.000 euros | Plan de eficiencia enerxética |
| Xunqueira de Ambía | 30.000 euros | Funcionamento dunha vivenda compartida |
| Mancomunidade de municipios de Ourense | 50.000 euros | Actividade da entidade |
| Queixumes dos Pinos | 20.000 euros | Gastos de funcionamento |
| Asociación cultural Xingros | 10.000 euros | Gastos de funcionamento |
| Escrita Creativa 1863 | 25.000 euros | Bolsas residencias literarias internacionais |
| Agrupacións de Protección Civil | 7.000 euros | Xornadas de convivencia |
| Establecementos asociados do Ribeiro | 10.000 euros | Actividades realizadas |
| Federación de Libreiros de Galicia | 5.000 euros | Feiras do Libro |
| Fundación Carlos Casares | 26.000 euros | Gastos de Funcionamento |
| Sarabela Teatro | 31.000 euros | Organización do FITO e da MITEU |
| Universidade de Vigo | 9.000 euros | Promoción do patrimonio cultural e natural de Ourense |
