Ribeiro en Común celebrará este xoves, 11 de xuño, ás 20:00 h, unha asemblea aberta na Casa da Cultura de Ribadavia coa que pretende avanzar na renovación da súa candidatura e na elaboración dun proxecto político de cara ás eleccións municipais de 2027.
Segundo explica o colectivo, o encontro servirá para aprobar un calendario de traballo para os próximos meses e continuar un proceso participativo iniciado a comezos de ano.
Ribeiro en Común convoca unha asemblea aberta para preparar 2027
A formación considera que, tras gran parte da lexislatura na oposición, é o momento de converter o traballo desenvolvido nos últimos tres anos nun programa de goberno baseado nas necesidades da veciñanza.
Na súa comunicación, Ribeiro en Común defende a creación dunha alternativa de esquerda, plural e participativa para Ribadavia, e fai un chamamento á cidadanía para achegar propostas e formar parte do proceso de renovación.
“Queremos construír un programa útil, participativo e pegado á realidade da veciñanza”, sinalan desde o colectivo.
