Cristina Pato e Xaime Fandiño crean «Esenciais 20/50». Esta iniciativa nace co obxectivo de facernos reflexionar sobre os estereotipos que se asignan a cada franxa de idade.
As 12 da mañá, o Liceo de Ourense acollerá a presentación de unha iniciativa que nace da colaboración de Cristina Pato, artista multidisciplinar (música, escritora, educadora e produtora), e Xaime Fandiño, profesor xubilado da USC e creador audiovisual.
Cristina Pato e Xaime Fandiño crean «Esenciais 20/50»
Esta iniciativa que xurde como un laboratorio de creación e pensamento ten o sustento de Cunde e a Oficina Galega de Outros Asuntos do Movemento. Con «Esenciais 20/50», as artes e a sociedade serán o fío condutor dun proceso de reflexión sobre a visión que a nosa sociedade ten en función da idade. Os estereotipos que asignamos ás distintas idades, especialmente ós maiores, terán un lugar de análise nesta iniciativa.
![Cristina Pato e Xaime Fandiño crean "Esenciais 20/50"](https://ourensenarede.com/wp-content/uploads/2021/12/IMG_20200731_120551-1.jpg)
Mediante diversos eventos que combinarán elementos sociais e artísticos, a mostra terá o seu punto álxido nunha gala que se celebrará o 18 de decembro no Teatro Principal de Ourense.
Presentación de «Esenciais 20/50»
Salón Noble do Liceo de Ourense
Venres, 3 de decembro ás 12h.
Participan:
- Cristina Pato – Música, escritora, educadora e produtora,
- Xaime Fandiño – Profesor xubilado da USC e creador audiovisual,
- Marina Oural – Codirectora da Oficina Galega de Outros Asuntos do Movemento.