A Casa dos Poetas de Celanova acolle desde esta mañá a exposición Arte en tinta, unha mostra que poderá visitarse ata o vindeiro 18 de xuño.
Esta exposición xurde da colaboración entre ABANCA, Afundación e o Concello de Celanova.
«Arte en tinta» chega á Casa dos Poetas de Celanova
A inauguración oficial contou coa presenza do alcalde de Celanova, Antonio Puga; a directora da oficina de ABANCA na vila, Isabel Serrano; o coordinador institucional de ABANCA en Ourense, Mateo Alonso San Román; e a coordinadora institucional de Afundación en Ourense e Lugo, Beatriz Fernández-Anguiano.
A exposición poderá visitarse de martes a sábado, en horario de mañá e tarde, de 10.00 a 14.00 h e de 16.00 a 19.00 h.
Esta iniciativa enmárcase no proxecto Corrente cultural, unha proposta de ABANCA e Afundación que entende a arte como ferramenta esencial para fomentar o coñecemento, o diálogo e o desenvolvemento colectivo, especialmente en contornas locais con forte identidade cultural como Celanova.
A mostra achega ao público diferentes expresións plásticas centradas na técnica da tinta, cunha selección coidada de obras que exploran linguaxes contemporáneas sen perder o vínculo coa tradición artística.
