Eventos

Conciliación para 60 rapaces de Ribadavia no Nadal

Un programa de conciliación permitirá ofertar 60 prazas para rapaces de Ribadavia durante todo o Nadal ampliando a oferta do ano pasado.

O concello de Ribadavia aposta pola conciliación familiar e laboral durante o Nadal mediante un programa de actividades. Esta iniciativa presenta nesta ocasión varias melloras con respecto ós anos anteriores e modifica a preferencia de inscrición.

Conciliación para 60 rapaces de Ribadavia no Nadal

A principal novidade está na ampliación do número de nenos e nenas que poden facer uso deste servizo. Un total de 60 prazas estarán a disposición da veciñanza, o que supón un incremento de 20 prazas con respecto ó ano pasado. Tamén se incrementa o horario do programa que será de cinco horas diarias, de 9h a 14h.

Tódolos rapaces e rapazas de Ribadavia que teñan entre 3 e 14 anos poderán inscribirse nesta actividade. Unha vez inscritos, participarán neste programa de conciliación que abrangue tódolos días laborables desde o 22 de decembro ó 9 de xaneiro.

Conciliación para 60 rapaces de Ribadavia no Nadal

Datas e criterios de inscrición

Esta inscrición realizarase na oficina de Servizos Sociais do Concello de Ribadavia entre o 2 e o 17 de decembro de 2021. Como novidade para optar a unha das 60 prazas está a modificación dos criterios, dando prioridade ás necesidades de uso do servizo en vez da orde de inscrición.

Criterios de prioridade

  1. Situación laboral familiar (ambos proxenitores traballando)
  2. Situación laboral familiar (un proxenitor traballando e o outro atendendo a persoas dependentes, discapacitadas ou menores de ata 3 anos)
  3. Discapacidade
  4. Familia monoparental
  5. Familias numerosas
  6. Outras unidades familiares
  7. Unidades familiares empadroadas noutros concellos.
Conciliación para 60 rapaces de Ribadavia no Nadal
Noelia Rodríguez (Alcaldesa de Ribadavia) e Elvira Lama (Alcaldesa de Xinzo de Limia)

Prezos do programa

Os prezos que terán que abonar os usuarios do programa de conciliación serán de 25€ para aquelas familias empadroadas e 50€ para os que non reúnan esa condición.

O lugar de realización do programa de conciliación de Nadal de Ribadavia será o Pavillón de Deportes.

Publicaciones relacionadas

Deja una respuesta

Tu dirección de correo electrónico no será publicada. Los campos obligatorios están marcados con *

Botón volver arriba