O Sanysec-Club Ourense Atletismo acadou o sétimo posto na Final A do Campionato de España Sub-20 por Clubs, disputada o 24 de outubro en Tres Cantos, cun total de 71 puntos e catro postos de honra nas probas individuais.
A actuación do equipo feminino ourensán destacou especialmente polas dúas vitorias conseguidas nos lanzamentos.
O Sanysec-Club Ourense Atletismo logra dous ouros no Campionato de España Sub-20
Aitana Capeans Rey impúxose no lanzamento de peso, cunha marca de 12,44 metros, mentres que Noa López Blasco gañou o lanzamento de martelo, con 47,36 metros.
O club completou a súa actuación con dous terceiros postos. Rebeca Fernández Guntiñas foi terceira no salto con pértega, cunha altura de 3,06 metros, e África Carrasco Martínez terminou terceira nos 5.000 metros marcha, cun tempo de 25:34,24.
